Manastirliu: Brenda nëntorit mbërrijnë vaksinat e adaptuara

Publikuar më: 17/11/2022, ora 21:58
manastirliu kuvend 1081x720

Manastirliu: Brenda nëntorit mbërrijnë vaksinat e adaptuara

Publikuar më: 17/11/2022, ora 21:58

Ministrja e Shëndetësisë dhe Mbrojtjes Sociale, Ogerta Manastiliu, deklaroi në Kuvend se qeveria do të garantojë vaksinat e reja anticovid, të cilat përfshijnë dhe nënvariantet e reja.

“Nëpërmjet amendimit të marrëveshjes me kompaninë Pfizer, duke mos pasur asnjë efekt financiar, por duke u bazuar tashmë në doza të cilat ne i kemi të financuara me buxhetin e këtij viti, të mundemi që duke ndryshuar skedulimin apo kalendarin e mbërritjes së dozave të vaksinave të adaptuara sipas varianteve të reja, BA1, BA4/5, të mundemi që të kemi këto vaksina të adaptuara, në Shqipëri brenda muajit nëntor”, tha Manastirliu.

Duke folur per ritmet e vaksinimit krahasuar me vendet e rajonit, Manastirliu tha: “Shqipëria ka një mbulesë vaksinale me të njëjtat nivele me Serbinë dhe më të lartë se Maqedonia e Veriut, Bosnje Hercegovina dhe se Mali i Zi”.

Ministrja Manastirliu tha se është garantuar gjithashtu edhe vaksinimin falas kundër gripit për grupet vulnerabël: “Ne jemi duke realizuar një vaksinim të kombinuar në të gjithë qendrat shëndetësore. Vaksinohet falas jo vetëm kundër Covidit, por edhe kundër gripit të stinës dhe deri tani janë kryer mbi 150 mijë vaksinime kundër gripit”.