Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Lideri i Koresë së Veriut Kim shfaqet me vajzën e tij në një pamje të rrallë

Nga A2 CNN
19 Nëntor 2022, 08:23 | Bota

Udhëheqësi i Koresë së Veriut Kim Jong-un është shfaqur me vajzën e tij të vogël në publik për herë të parë, duke konfirmuar raportet e përfolura gjatë për ekzistencën e saj.

Vajza, që besohet se quhet Kim Chu-ae, iu bashkua atij në një inspektim të lëshimit më të madh të raketës balistike ndërkontinentale të vendit të premten.

Ata qëndruan të kapur dorë për dore gjatë testit të raketës, i cili u dënua nga SHBA. Shfaqja e saj në publik është e rëndësishme pasi shumë pak dihet për jetën personale të liderit korean.

Disa foto u publikuan nga agjencia shtetërore e lajmeve e Koresë së Veriut, KCNA, duke treguar të dy të kapur për dore ndërsa ata bisedojnë, flasin me zyrtarët, inspektojnë raketat dhe shikojnë lëshimin e tyre.

Sipas ekspertëve Kim, i cili është gjenerata e tretë në familjen e tij që udhëheq Korenë e Veriut, po u tregon elitave në vendin e tij se ai ende ka një kontroll të fortë mbi pushtetin.

Hera e parë që u përmend ekzistenca e Chu-ae ishte në vitin 2013, pasi ylli i basketbollit amerikan në pension Dennis Rodman bëri një udhëtim të diskutueshëm në Korenë e Veriut.

Chu-ae ishte midis 12 dhe 13 vjeç, që do të thotë se në rreth katër deri në pesë vjet ajo do të përgatitet për të shkuar në universitet ose në shërbimin ushtarak.

Ekspertët besojnë se Kim mund të ketë deri në tre fëmijë,  dy vajza dhe një djalë, ku më i madhi është Chu-ae.

Por udhëheqësi korean e ka mbajtur jashtëzakonisht të fshehtë familjen e tij, madje edhe gruaja e tij Ri Sol-ju u mbajt sekret deri disa kohë pasi çifti u martua.

A2 CNN Livestream

Debat - nga Alba Alishani