Çfarë po ndodh në Bjellorusi? Në gjendje të rëndë liderja e burgosur e opozitës

Publikuar më: 30/11/2022, ora 08:18
120740062 gettyimages 1235083639 594x594.jpg

Çfarë po ndodh në Bjellorusi? Në gjendje të rëndë liderja e burgosur e opozitës

Publikuar më: 30/11/2022, ora 08:18

Liderja e burgosur e opozitës bjelloruse, Maria Kolesnikova, është dërguar me urgjencë në spital ku po mbahet në terapi intensive.

40-vjeçarja Kolesnikova ndodhet në spitalin e qytetit lindor të Gomelit dhe raportohet se i është nënshtruar një ndërhyrje kirurgjikale, ndërkohë që ndodhet në gjendje të qendrueshme.

Maria Kolesnikova u dënua në 2021 me 11 vite burg për organizimin e protestave në Bjellorusi, kundër rizgjedhjes së presidentit Alexander Lukashenko, në një proces gjyqësor të motivuar politikisht.

Personat që menaxhojnë rrjetet sociale të lideres së opozitës tregojnë se ajo do të dërgohet ditën e sotme në Departamentin e Kirurgjisë, pa dhënë detaje të mëtejshme për sëmundjen e saj.

Ditët e fundit në Bjellorusi humbi jetën në mënyrë të papritur ministri i Jashtëm, Makei, në një ngjarje që dyshohet të jetë atentat i mirëfilltë nga Kremlini për të detyruar vendin fqinj të qëndrojë pranë tij në luftën që po vijon prej muajsh në Ukrainë.