Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

“Dialogu Kosovë-Serbi, kritik për të gjithë rajonin”. Deklarata e përbashkët e Samitit BE-Ballkani Perëndimor: Përparime të shpejta drejt rreshtimit krah unionit

Nga A2 CNN
5 Dhjetor 2022, 18:11 | Politikë
“Dialogu Kosovë-Serbi, kritik për të gjithë

A2 CNN ka lexuar deklaratën e përbashkët me të cilët liderët e Bashkimit Europian dhe ata të Ballkanit Perëndimor do të dalin në përfundim të Samitit që do të zhvillohet të martën në Tiranë.

Në deklaratën e përbashkët theksohet rëndësia e partneritetit strategjik mes vendeve të Ballkanit dhe BE-së, përballë agresionit rus në Ukrainë, që po vendos në rrezik paqen dhe sigurinë globale. BE gjithashtu konfirmon përkushtimin e saj të plotë për perspektivën integruese të Ballkanit Perëndimor, bazuar në reforma të besueshme dhe parimet e meritës.

BE mirëpret përkushtimin e vendeve partnere në Ballkanin Perëndimor për të mbrojtur vlerat dhe parimet europiane, në përputhje me ligjin ndërkombëtar.

Qëndrimi bashkë me BE-në është shenjë e qartë e orientimit strategjik të partnerëve, tani më shumë se kurrë, teksa Rusia përshkallëzon luftën dhe agresionin e saj në Ukrainë. Një vizion i përbashkët për të ardhmen përfshin përgjegjësi të përbashkëta.

“Teksa thellojmë bashkëpunimin me partnerët, u bëjmë thirrje që të bëjnë përparime të shpejta dhe të qëndrueshme drejt rreshtimit të plotë me Politikën e Jashtme dhe të Sigurisë me BE-në. Vlerësojmë ata partnerë të Ballkanit Perëndimor që kanë treguar tashmë përkushtimin strategjik dhe i inkurajojmë ata që nuk e kanë bërë, që të ndjekin të njëjtin shembull”.

Në deklaratë theksohet edhe një herë se BE është partneri më i afërt i rajonit, investitori kryesor si dhe partneri tregtar e donatori më i madh.

Sa i përket dialogut mes Kosovës dhe Serbisë, në dokument theksohet mbështetja e plotë për procesin dhe i bëhet thirrje që të ecet përpara, pasi është një pikë kritike për stabilitetin dhe zhvillimin e të gjithë rajonit.

https://a2news.com/2022/12/05/samiti-i-be-tirana-behet-gati-te-prese-europen/
https://a2news.com/video/perfitimet-e-ballkanit-perendimor-nga-samiti-i-be-se-ne-tirane/

A2 CNN Livestream

Ditari nga Bruna Çifligu