Maroku ka bërë surprizën e madhe, duke eliminuar nga kampionati Botëror Spanjën, pas goditjes së penalltive.
Ndeshja e nisi e kujdesshme nga të dyja ekipet, me Spanjën që mundohej të bënte lojën e saj të zakonshme me kontrollin e gjatë të topit, por hasi me një mbrojtje hermetike. Në anën tjetër, Maroku u tregua tejet i rrezikshëm me daljet e tij nga krahët.
Megjithatë, koha e rregullt dhe 30 minutat e shtesës nuk sollën gol duke u mbyllur në barazim 0-0. Ndërkohë, në goditjen e penalltive, futbollistët e Spanjës ishin një dështim total, duke humbur 3 të parat.
Për Marokun ky ishte një kualifikim historik në çerekfinale, aty ku do të ketë kundërshtar fituesin e çiftit Portugali-Zvicër, e cila do të luhet në orën 20:00.