Anomalitë e lindura: Sindroma Down dhe fibroza cistike, më të përhapura te shqiptarët

Nga A2 CNN
8 Dhjetor 2022, 15:27 | Sociale
Anomalitë e lindura: Sindroma Down dhe fibroza cistike, më të

Sindroma Down dhe fibroza cistike janë anomalitë më të shpeshta gjenetike në popullsinë shqiptare. 

Mesatarisht 1 në 60 lindje, nga nënat mbi 30 vjeç, është me Sindromën Down, por mjekët po vënë re edhe rritje të fëmijëve me fibrozën cistike. Gati 7% e popullsisë shqiptare është mbartëse e kësaj sëmundjeje të rëndë që kryesisht prek mushkërinë.

Mjekët rekomandojnë çiftet e reja për kryerjen e testimeve gjenetike për të zbuluar herët problemet e trashëguara.

Vitet e fundit në protokollet e analizave të shtatzënisë po aplikohet edhe testi gjenetik, i cili zbulon anomalitë e trashëguara të fetusit. 

Në rast se analiza ngre dyshime për defekte gjenetike, nëna i nënshtrohet testeve të tjera më të detajuara.

Por kur flitet për autizmin, edhe më i përhapur se Sindroma Down, gjenetistët tregojnë se ende nuk ka një analizë që mund të zbulojë spektrin që në fetus.

Gjenetistët thonë se anomalitë e lindura janë shtuar vitet e fundit edhe për shkak të faktorëve të tjerë, mjedisorë, mënyra e jetesës, por edhe se çiftet po bëhen prindër në moshë të madhe.

A2 CNN Livestream

Dita jonë