Ka marrë pjesë në 11 Kupa Bote, braziliani hyn në Guinness

Nga A2 CNN
18 Dhjetor 2022, 11:40 | Lifestyle

Një i moshuar nga Brazili ka hyrë në librin e rekordeve Guinness pasi ka ndjekur në stadiume kombëtaren e tij në plot 11 turne të Kupës së Botës.

75 vjeçari Daniel Sbruzzi nga Sao Paolo për herë të parë ndoqi Brazilin në Kupën e Botës që u mbajt në Argjentinë në vitin 1978, ndërsa Botërori i Katarit është i 11-i për të.

Sbruzzi tregon se në shtetet që ai vizitoi gjatë Botërorëve ka çuar dhe një pjesë të traditës së vendit të tij gjatë karnavaleve, ku shfaqej në stadium i veshur si femër.

Por në Katar ai nuk mund ta bënte këtë gjë për shkak të kodit të veshjes së turneut.

Braziliani shpreson që ta thyejë sërish këtë rekord duke marrë pjesë në Kupën e Botës 2026, e cila mbahet njëkohësisht në Kanada, Meksikë dhe Shtetet e Bashkuara.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli