Një ditë pas finales së madhe të Botërorit, që u konkretizua me fitoren e Argjentinës kundër Francës, duket sikur në Katar “ka rënë bomba”.

12 vite pritje dhe disa muaj përgatitje, që u shënuan edhe me shumë humbje jetësh, përfunduan si me magji vetëm pak orë pas vërshëllimes finale të gjyqtarit të finales Argjentinë – Francë.

Në rrugët e kryeqytetit, aty ku edhe u luajt finalja e madhe, sot janë parë vetëm punonjësit e pastrimit dhe ato pak mbeturina të hedhura nga tifozët e që kishin ngelur pa u mbledhur.

Metrotë ishin bosh, lokalet dhe restorantet po ashtu, skena që të rikthejnë në vëmendje periudhën e errët të mbylljes nga Koronavirusi.