Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Laboratori i drogës në Fier, Apeli i Posaçëm nuk ndryshon masën e sigurisë për 5 të arrestuar

Nga A2 CNN
4 Janar 2023, 14:09 | Kronikë
Laboratori i drogës në Fier, Apeli i Posaçëm nuk ndryshon

Apeli i Posaçëm lë të pandryshuar masën e sigurisë “arrest në burg” për 5 nga të arrestuarit për kokainën e mbërritur në pleh artificial organik, nga Ekuadori në Frakull të Fierit.

Sipas Apelit, kjo masë sigurie nuk ndryshoi për Enxhi Ferhatin, Bledar Matoshin, Julian Malajn, Klajdi Vrionin dhe Redion Meshin.

Në Frakull u zbuluan 400 kilogramë pleh kimik e përzier me kokainë. Gjithashtu, gjatë kontrolleve, u gjetën edhe armë zjarri.

Droga dyshohet se vinte nga Porti i Tivarit në Malin e Zi dhe ngarkohej për të mbërritur te laboratori, i cili u zbulua në oborrin e shtëpisë së ish-kryetarit të komunës, Viktor Çervenaku.

Operacioni u krye mbrëmjen e 24 nëntorit nën drejtimin e SPAK dhe në bashkëpunim me Policinë malazeze dhe agjencitë e tjera ligjzbatuese.

Policia tha se në operacion është angazhuar një numër i konsiderueshëm i oficerëve të policisë gjyqësore dhe të agjentëve gjyqësorë dhe kanë ekzekutuar deri më tani, për 10 shtetas, masën e sigurisë “Arrest në burg”, për veprën penale “Trafikimi i lëndëve narkotike”, kryer në formën e grupit të strukturuar kriminal.

A2 CNN Livestream

Dita jonë