Një milion euro shpërblim për kualifikimin e Shqipërisë në Euro 2024 që do të zhvillohet në Gjermani. Edhe pse nuk është bërë ende zyrtare, kjo pritet të jetë shifra që Sylvinho dhe stafi i tij do të përfitojnë gjatë punës me Kombëtaren, nëse realizojnë objektivin madhor të përcaktuar.
Shuma totale e vendosur në formë bonusi është thuajse sa dyfishi i pagës që trajneri brazilian dhe ndihmësit e tij, Dorival Guidoni nënkampion bote me Brazilin në vitin 1998 dhe Pablo Zabaleta, nënkampion bote me Argjentinën në 2014-n.
Edhe në këtë rast shifrat nuk janë ende zyrtare, por përflitet që paga e trajnerit gjatë 18 muajve të kontratës me federatën e Futbollit do të jetë rreth 500 mijë euro, teksa 100 mijë euro të tjera janë paga për stafin.
Sylvinho është një trajner pa eksperiencë dhe me pagë të përballueshme. I ri, me ambicie dhe që mund të shkëlqejë falë bashkëpunimeve me ish-teknikun e Brazilit, Tite, apo si ndihmës i Mancinit tek Interi. Duket se ishte ky kombinimi vendimtar në zgjedhjen e Sylvinhos në krye të stolit të Kombëtares. Gjithmonë me kushtin që pagesa dhe vazhdimësia me kuqezinjtë do të varen nga rezultatet në fushë. (A2 Televizion)
A2 CNN Livestream
MUND TE LEXONI GJITHASHTU
