Lisa Marie Presley do të prehet pranë djalit të saj në Graceland

Nga A2 CNN
14 Janar 2023, 11:19 | Bota

Lisa Marie Presley do të prehet pranë babait dhe djalit të saj të ndjerë në pronën e familjes në Tennessee, Graceland.

Këngëtarja ndërroi jetë pasi pësoi arrest kardiak në shtëpinë e saj të enjten në moshën 54-vjeçare. Ajo ishte fëmija i vetëm i "Mbretit të Rock 'n' Roll", Elvis Presley.

“Vendi i fundit i pushimit të Lisa Marie do të jetë në Graceland, pranë djalit të saj të dashur, Benit”, tha një përfaqësues i familjes.

Djali i Presley-t, Benjamin Keough, u nda nga jeta në gusht të vitit 2020 në moshën 27-vjeçare.

Në një nga postimet e saj të fundit në mediat sociale, Presley ndau një ese që shkroi për revistën People për luftën e saj me pikëllimin pas vdekjes së djalit të saj.

"Unë jam përballur me vdekjen, pikëllimin dhe humbjen që në moshën 9-vjeçare. Unë kam pasur më shumë se kushdo pjesën e duhur të saj në jetën time dhe në njëfarë mënyre, ia kam arritur deri këtu. Vdekja është pjesë e jetës, pavarësisht nëse duam apo jo dhe po ashtu edhe pikëllimi", ka shkruar ajo.

Ajo ka lënë pas tri vajza Riley Keough dhe binjaket Finley dhe Harper Lockwood dhe nënën e saj, Priscilla.

https://a2news.com/2023/01/12/nderron-jete-e-bija-e-vetme-e-elvis-presley-kengetarja-pesoi-atak-kardiak/

A2 CNN Livestream

Ditari nga Erion Dushi