Lideri i opozitës ruse në gjendje të rëndë, gruaja e tij ngre alarmin: S’ka ilaçe

Nga A2 CNN
15 Janar 2023, 16:46 | Bota
Lideri i opozitës ruse në gjendje të rëndë, gruaja e

Bashkëshortja e liderit rus të opozitës, Alexei Navalny, ka bërë thirrje për qeverinë, por edhe drejtorinë e burgjeve në Moskë, që t’i sigurojnë të shoqit, ilaçet bazike, pas shqetësimeve se jeta e tij është më në rrezik se kurrë.

Gruaja dhe bashkëpunëtorët e tij thonë se 46-vjecari është vendosur në një dhomë ndëshkimi, i izoluar për 15 ditë, që prej 31-dhjetorit dhe ende nuk ka dalë prej aty, e dhjeta herë që ai ndëshkohet vetëm sepse nuk kish mbërthyer mirë kopsat e uniformës së tij të burgut apo sepse ka larë fytyrën jo në orarin e duhur.

Pavarësisht thirrjeve të opozitës apo edhe bashkëshortes së tij, Yulia, përmes rrjeteve sociale, Shërbimi i Burgjeve Federale në Rusi, nuk ka bërë asnjë koment apo reagim. Avokati i Navalny-t po ashtu kish kërkuar që dënimi të shtyhej për shkak të gjendjes së tij të rënduar shëndetësore por kjo kërkesë nuk u mor parasysh.

Në Facebook është nënshkruar po ashtu, një letër e hapur, firmosur tashmë nga 481 mjekë, me kërkesën për presidentin Putin, që Navalny të mund të kurohet siç i takon, sepse kushtet e tij jo vetëm shëndetësore por edhe psikologjike, kanë arritur në një moment kritik dhe izolimi do ta rëndojë edhe më tej. Edhe për këtë letër, nuk ka patur asnjë përgjigje.

A2 CNN Livestream

Ditari nga Erion Dushi