Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

30 lëkundje tërmeti në 24 orë në Shqipëri, më e forta 4,7 rihter

Nga A2 CNN
16 Janar 2023, 22:45 | Aktualitet

Pjesa më e madhe e qyteteve të Shqipërisë u tronditën mbrëmjen e së dielës nga një tërmet i fuqishëm, me magnitudë 4,7 i shkallës rihter, epiqendra e të cilit u regjistrua në fshatin Xibër të Klosit, 24 kilometra nga kryeqyteti.

Lëkundjet e fuqishme të tërmetit shkaktuan dëmtime të lehta në mbi 20 banesa në zonën e Klosit, ndërsa fatmirësisht, nuk pati raportime për persona të lënduar.

Tërmeti i parë, i cili u regjistrua në orën 22:37 të mbrëmjes së të dielës, fillimisht u raportua me magnitudë 5,24 rihter nga Qendra Europiane e Sizmologjisë, por më pas u saktësua në 4,7 i shkallës rihter. Vetëm pak minuta nga tërmeti i fortë, një tjetër lëkundje me magnitudë 4,1 rihter.

Ndërkohë, 24 orë nga tërmeti i së dielës, në të njëjtën zonë janë regjistruar të paktën 30 lëkundje me magnitudë 2 të shkallës rihter, të cilat nuk kanë krijuar dëme. Sizmologët thonë se zona do të jetë aktive për disa kohë deri në çlirimin e plotë të energjisë. Këtë periudhë i gjithë rajoni është përfshirë nga një valë tërmetesh dhe sipas sizmologëve tashmë kemi hyrë në dhjetëvjeçarin me aktivitet të shtuar sizmik.

https://a2news.com/2023/01/15/lekundje-te-forta-termeti-ne-shqiperi/
https://a2news.com/2023/01/16/lekundjet-rikthejne-friken-tek-qytetaret-sizmologet-japin-detaje-per-termetin-e-nates-se-15-janarit/

A2 CNN Livestream

Debat - nga Alba Alishani