Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Akuza e rëndë e Lavrov: SHBA, si Hitleri

Nga A2 CNN
18 Janar 2023, 12:44 | Bota
Akuza e rëndë e Lavrov: SHBA, si Hitleri

Ministri i jashtëm rus, Sergei Lavrov përjashtoi mundësinë e negociatave me presidentin Ukrainas Volodymyr Zelensky, mbi ato që i quajti nisma të çuditshme të paqes për zgjidhjen e konfliktit. Gjatë një konference për shtyp në Moskë, shefi i diplomacisë ruse tha se Shtetet e Bashkuara kishin krijuar koalicion me shtetet europiane në të njëjtën mënyrë se si Adolf Hitleri kërkoi një “zgjidhje përfundimtare” për çrrënjosjen e hebrenjve në Europë.

Lavorv, i cili nxiti reagimin e fortë ndërkombëtar vitin e kaluar me deklaratat për Hitlerin, akuzoi Uashingtonin se po përdorte të njëjtat taktika si Napoloni dhe Nazistët për të shkatërruar Rusinë.

“Ajo që po ndodh tani në Ukrainë është rezultat i viteve të tëra përgatitje nga SHBA dhe shtetet satelit, për nisjen e një lufte hibride globale kundër Federatës Ruse. Perëndimi ka investuar shumë në këtë luftë kundër Rusisë. Ashtu si Napoloni mobilizoi gati të gjithë ushtrinë e Europës kundër Perandorisë ruse,  ashtu si Hitleri mobilizoi dhe pushtoi shumicën e vendeve europiane, duke i kthyer kundër Rusisë, e njëjta gjë po ndodh edhe tani. Shtetet e bashkuara kanë krijuar një koalicion ku përfshihen gati të gjitha vendet europiane, dhe duke përdorur Ukrainën kanë nisur një luftë kundër shtetit tonë me qëllimin final: gjetjen e një zgjidhje përfundimtare, në të njëjtën mënyrë siç kërkonte Hitleri zgjidhje finale për hebrenjtë”, tha Lavrov.

https://a2news.com/2023/01/12/rusia-kurti-dhe-zelensky-jane-naziste/

A2 CNN Livestream

Ditari nga Bruna Çifligu