Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

“Braktis Bakhmutin”, amerikanët po bindin Zelenskyn të përqendrohet në jug

Nga A2 CNN
24 Janar 2023, 18:29 | Bota

Prej muajsh, forcat ukrainas edhe ato ruse po përballen në qytetin e Bakhmut, dikur pothuajse i panjohur për komunitetin ndërkombëtar, por që tani është shndërruar në teatrin e një lufte që kujton ato të shekullit të kaluar.

Moska pas marrjes se një qyteze të afërt, Soledarin, po përqendron pjesën më të madhe të forcave në këtë qytet, për të rikthyer trendin fitues pas muajve ku Kievi po rimerrte të gjitha territoret e pushtuara në fillim të konfliktit.

Aktualisht forcat ukrainase po rezistojnë shtëpi për shtëpi, por pa mbështetjen e mjeteve të rënda që po premtohen nga Perëndimi por që ende nuk kanë ardhur dhe me gjasa nuk do të jenë të gatshëm për javë të tëra, mbajtja e qytetit pothuajse të shkatërruar duket thjesht një strategji gjakderdhëse, që me jetën e shumë ushtarëve thjesht po fiton pak kohë para se trupat e zgjedhura të kompanisë Wagner ta pushtojnë totalisht.

Për këtë arsye Uashingtoni në ditët e kaluara ka dërguar në Kiev tre përfaqësues të lartë, si zëvendës këshilltari për Sigurinë Jon Finer, zëvendëssekretarja e Shtetit Wendy Sherman dhe zëvendëssekretarin e Mbrojtjes Colin Kahl, për të bindur presidentin ukrainas Volodymyr Zelensky se ndoshta ka ardhur ora që të ”braktiset” me keqardhje Bakhmuti duke u përqendruar në frontin jugor, ku forcat ukrainase kanë mundësi reale të avancojnë.

Sipas burimeve, të cituara edhe nga CNN, presidenti Zelensky nuk ka mbetur tepër i bindur nga ky skenar, sepse gjykon se mbrojtja e Bakhmut përfaqëson tashmë një simbol dhe rënia e tij mund të kishte një impakt negativ te ushtarët në front.

 Ndërkohë, sipas tij tërheqja ka edhe rëndësi strategjike sepse do të pamundësonte rimarrjen e shpejtë të Donbasit, madje do te lejonte forcat ruse që të depërtonin më në thellësi, në afërsi të qyteteve  strategjike si Kramatorsk dhe Sloviansk, duke arritur përfundimisht marrjen e Donbasit.

https://a2news.com/2023/01/24/tanket-leopard-2-neser-ne-ukraine-berlini-i-pergjigjet-pozitivisht-polonise/
https://a2news.com/2023/01/23/jeta-e-veshtire-e-civileve-ukrainas-te-rikthyer-ne-qytetin-e-tyre-te-pushtuar/

A2 CNN Livestream

Debat - nga Alba Alishani