Rekord incidentesh me armë në SHBA, vriten 3 persona në Uashington

Publikuar më: 24/1/2023, ora 18:18
shba te shtena 1280x720

Rekord incidentesh me armë në SHBA, vriten 3 persona në Uashington

Publikuar më: 24/1/2023, ora 18:18

Tre persona kanë humbur jetën nga të shtënat gjatë natës në një dyqan në Yakima në shtetin e  Uashingtonit në SHBA. Lajmi është konfirmuar për CNN nga shefi i policisë lokale, Matt Murray.

Autori i dyshuar i vrasjeve u arratis me një Chrysler pas të shtënave dhe është ende në arrati.

“Ai është një person i rrezikshëm dhe të shtënat kanë qenë të rastësishme, ndaj ka rrezik për komunitetin”, paralajmëroi policia.

Të shtënat në Uashington vijnë pas atyre në Kaliforni ku mbetën të vrarë 7 persona dhe atyre në Monterey, ku një i moshuar me origjinë aziatike vrau 11 persona në një sallë kërcimi.

Këtë muaj Shtetet e Bashkuara të Amerikës kanë regjistruar rekord rastesh të incidenteve me armë zjarri, më shumë se kurrë në historinë amerikane.