Nedim Bajrami do ta luajë pjesën e mbetur të sezonit në Serie A për ekipin e Sassuolos. Lajmi u konfirmua nga vetë futbollisti teksa iu përgjigj interesit të gazetarëve për të ardhmen e tij.
Shqiptari, mes të tjerash, shprehu kënaqësinë që te Sassuolo gjente trajnerin Dionisi, i cili ka shumë besim te aftësitë e tij.
“Po, sigurisht, fola me trajneri Dionisi mbrëmë, jam shumë i lumtur që e gjeta sërish. Kam folur me Pinamontin, me të cilin kam luajtur vitin e kaluar”, tha Bajrami.
Sipas mediave italiane, Empoli pritet të përfitojë 7 milionë euro nga shitja e Bajramit, ekipi me të cilin 23-vjeçari shqiptar u bashkua në verën e 2019 nga Grasshopers.
Këtë sezon Bajrami ka luajtur 19 ndeshje në Serie A dhe ka shënuar 1 gol.