Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Vrasja e trefishtë në Tiranë, kapet autori i ngjarjes

Nga A2 CNN
1 Mars 2023, 18:57 | Kronikë

Ka përfunduar arratia e 40 vjeçarit Dan Hutra i cili gjatë ditës së mërkurë vrau 3 gra në zonën e Paskuqanit dhe Kamzës.

Dan Hutra vrau me armë zjarri shtetaset Mevlute Hysa 30 vjeçe, (motra e ish-bashkëjetueses së tij) dhe Hasime Dafkun 30 vjeçe, (e fejuara e vëllait të ish-bashkëjetueses) si dhe plagosi ish-bashkëjetuesen Elena Hysa, 35 vjeçe dhe nënën e saj Kujtime Hysa, 60 vjeçe.

Gjithashtu ai dyshohet se vrau dhe 31-vjeçaren Etleva Kurti në oborrin e banesës së saj në rrugën “Besëlidhja” në Kamzë.

Autori i këtyre krimeve të rënda u largua me një makinë tip Benz dhe u arrestua më pas në zonën e Kombinatit. Në momentin e arrestimit atij iu gjet dhe arma e krimit kallashnikov.

Për arrestimin e autorit reagoi edhe ministri i Brendshëm, Bledi Çuçi. “Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skedën e tij kriminale. Edhe njëherë, Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave”.

https://a2news.com/2023/03/01/si-doli-nga-burgu-dan-hutra-ekzekutimi-i-tre-grave-ne-tirane-ild-nis-verifikimin-e-vendimeve-te-magjistrateve/
https://a2news.com/2023/03/01/vrasesi-qe-tronditi-tiranen-policia-zbardh-dinamiken-e-vrasjes-se-trefishte/
https://a2news.com/2023/03/01/dua-koke-njeriu-do-shkoje-gjaku-deri-ne-gju-masakra-ne-paskuqan-nje-tragjedi-e-paralajmeruar/

A2 CNN Livestream

Dita jonë