Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

5 gjëra për t'u lexuar në 5 minuta - 04/03/2023

Nga A2 CNN
4 Mars 2023, 20:11 | 5 gjëra në 5 minuta
5 gjëra për t'u lexuar në 5 minuta - 04/03/2023

1. Rithemelimi kthehet në Shkallën e Parë

Gjykata e Apelit Tiranë zhbëri vendimin e gjyqtarit Agron Zhukri, i cili pati legjitimuar Kuvendin e Sali Berishës të 11 dhjetorit 2021. Por çështja nuk ka marrë fund, ajo do të rishqyrtohet në Shkallën e Parë. Gjithsesi, për zgjedhjet vendore të 14 majit, në KQZ, si Partia Demokratike do të regjistrohet grupimi “Alibeaj”. Berisha e quajti këtë vendim të ndikuar nga Rama dhe ambasadorja amerikane në Shqipëri Yuri Kim.

Çfarë ndodhi gjatë seancës 8-orëshe dhe çfarë do të ndodhë tani me PD? Klikoni këtu për më shumë

2. Vrasësi i grave

Një ngjarje tragjike u regjistrua në rrethinat e Tiranës mesditën e 2 marsit, ku një 40-vjeçar, i identifikuar si Dan Hutra, vrau 3 gra dhe plagosi 3 të tjera, në vetëm 33 minuta. Vite më parë, Hutra kishte vrarë edhe gruan e tij të parë. Në gjyq, ai nuk shfaqi pendesë, por tha se i kishte bërë të gjitha vrasjet me vetëdije. Kush është Dan Hutra dhe si arriti t’i shpëtojë burgut për të vrarë përsëri?

Klikoni këtu për të gjitha detajet

https://a2news.com/2023/03/04/dan-hutra-profili-i-nje-vrasesi-serial/

3. Pagesat me kartë kapën vlerat më të larta historike

Për të paguar faturat apo për të blerë ushqime në supermarket, çdo shqiptar kreu mesatarisht katër pagesa me kartë bankare vitin e shkuar. Të dhënat nga Banka e Shqipërisë tregojnë se numri i pagesave në pikat elektronike të shitjes gjatë 2022-shit arriti në mbi 10.7 milionë, duke shënuar kështu nivelin më të lartë historik. Lexo më shumë

https://youtu.be/oeaeheRzlnk

4. “Karotat kanë dështuar. Nxirrni shkopinjtë për Vuçiç”

Refuzimi i Aleksandar Vuçiç për të firmosur planin “franko-gjerman” pas takimit me Albin Kurtin ndërmjetësuar nga BE, ka sjellë reagime të ashpra brenda unionit. Edhe në Kosovë, opozita ka shprehur kundërshtime me pikën shtatë të marrëveshjes 11-pikëshe. Por deputeti holandez i Parlamentit Europian, Thijs Rutten, e vlerësoi si zhgënjyes dhe të pritshëm qëndrimin e Vuçiç. “Karotat kanë dështuar. Nxirrni shkopinjtë”, shkruan eurodeputeti në profilin e tij zyrtar në Twitter.

Klikoni këtu për të gjitha zhvillimet

https://youtu.be/Wqp_Tjg8y3A

5. Rusia akuzon Perëndimin, Lavrov: Mashtruan serbët e Kosovës për formimin e Asociacionit

Rusia përdor sërish Kosovën për të justifikuar veprimet e saj kundër Ukrainës. Ministri i jashtëm, Sergej Lavrov, në forumin për dialog “Raisina” në Nju Dehli të Indisë, lëshoi akuza ndaj Perëndimit se nuk ka mbajtur premtimet e dhëna ndaj Beogradit dhe Moskës. Konkretisht, foli për marrëveshjen e Minskut dhe atë për Asociacionin e Komunave me shumicë serbe, duke i konsideruar thuajse të ngjashme, ndërsa sqaroi se kishin të bënin me dhënien e një statusi të veçantë për rusët në lindje të Ukrainës dhe për serbët në Kosovë në formën e një autonomie të lehtë.

Gjithçka rreth luftës në Ukrainë

https://youtu.be/5swY5XyCXHk

Parashikimi i motit, nga Tanja Porja

https://youtu.be/yGRCQYR8jRE

Çmimet e karburanteve

Nafta: 197 lekë/litri me pakicë, 185 lekë/litri me shumicë.

Benzina: 190 lekë/litri me pakicë, 178 lekë/litri me shumicë.

Gazi: 80 lekë/litri me pakicë, 68 lekë/litër për automjetet.

Çmimi i gazoilit për peshkim është vendosur 103 lekë/litër.

Bordi i Transparencës, 04/03/2023

Për të mos u humbur

https://youtu.be/CKiV3NQxRHg
https://youtu.be/SyLqJclenEs
https://youtu.be/uW3UO27ybG0
https://youtu.be/3v1K5d3H7UA

A2 CNN Livestream

Dita jonë