Sondazh: Sa prezent është aktiviteti fizik në përditshmërinë tuaj?
  • Çdo ditë 38%
  • Tre herë në javë 25%
  • Vetëm në fundjavë 6%
  • Asnjëherë 31%

Gjykata Ndërkombëtare Penale lëshoi urdhër arresti, Putin: Moska s’e njeh juridiksionin e saj

Nga A2 CNN
17 Mars 2023, 22:54 | Bota
Gjykata Ndërkombëtare Penale lëshoi urdhër arresti, Putin:

Kremlini e ka cilësuar si të papranueshëm mandatin e arrestit të lëshuar nga Gjykata Ndërkombëtare e Krimeve, që e akuzon liderin rus për krime lufte.

“Ne e konsiderojmë skandaloze dhe të papranueshme vetë shtrimin e pyetjes. Rusia, si një numër shtetesh, nuk e njeh juridiksionin e kësaj gjykate dhe, rrjedhimisht, çdo vendim i këtij lloji është i pavlefshëm për Federatën Ruse nga pikëpamja e ligjit”, shkroi të premten në Twitter zëdhënësi i Kremlinit, Dmitry Peskov.

Nga ana tjetër, presidenti ukrainas Volodymyr Zelensky falënderoi ICC-në për vendimin e saj "historik", duke thënë në fjalimin e tij të mbrëmjes të premten se hetimet e bëra nga Ukraina kanë dalë në të njëjtin përfundim se Kremlini ka pasur përfshirje të drejtpërdrejtë në dëbimin e detyruar të fëmijëve në Rusi.

Kujtojmë se Gjykata Ndërkombëtare e Krimeve ka firmosur sot një mandat arresti për presidentin rus Vladimir Putin dhe Maria Lvova-Belova-n.

Mandati i arrestit për liderin rus dhe zyrtaren Lvova-Belova është firmosur pasi dyshohet se janë përgjegjës për skemën e deportimit të fëmijëve ukrainas në Rusi.

A2 CNN Livestream

Ditari nga Erion Dushi