“Kam qarë ditë e natë", nëna lehonë kthehet pranë fëmijës, rrëfen ditët në burg

Nga A2 CNN
18 Mars 2023, 16:42 | Aktualitet
“Kam qarë ditë e natë", nëna lehonë kthehet

Pasi gjykata i dha liri, Diana Bahçja tanimë ndodhet pranë foshnjës së saj. Akoma e tronditur nga qëndrimi në qeli, nëna lehonë tregon gjendjen emocionale që kaloi në burg ku ishte e detyruar të qëndronte vetëm 8 ditë pasi kishte sjellë në jetë fëmijën e saj.

Diana kishte shprehur disa herë para institucioneve përgjegjëse që e burgosën sapo kishte lindur, por askush nuk i kishte marrë parasysh deklaratat e saj.

Kjo ngjarje solli revoltën tek opinion publik. Edhe pse ende e shokuar, Diana ka një falënderim për gjithë qytetarët që janë solidarizuar me rastin e saj.

Diana u lirua nga qelia me vendim të gjyqtarit Ardit Mustafaj, me kushtin për të paguar gjobën, të cilën e kishte marrë nën pretendimin se kishte braktisur fëmijën nga martesa e parë, por ajo deklaroi se e ish-bashkëshorti e dhunonte dhe nuk e lejonte të takonte vajzën.  

A2 CNN Livestream

Ditari nga Erion Dushi