Nga “Only Fans” te fitorja në zgjedhje, njihuni me kryebashkiaken që arriti rezultatin e bujshëm

Nga A2 CNN
22 Mars 2023, 20:51 | Lifestyle

Deri pak vite më parë, emri i Maria Fernanda Vargas, e njohur si Mafer, ishte pothuajse i panjohur, përveç atyre qe ndjekin platformën Only Fans, ku modele dhe persona të zakonshme hedhin fotografitë tyre më të ndaluara.

Nga ky aktivitet, vetë Maria ka rrëfyer se fitonte mijëra dollarë në muaj, tmerrësisht shumë për një vajzë nga qyteza e Simon Bolivar në Ekuador.

Por tashmë vajza që sot ka 32 vjeç dhe ka mbyllur profilin e saj në platformën shumë të diskutuar,  në qytetin e saj me 27 mijë banorë nuk do të kujtohet më si një modele sensuale, por si kryebashkiakja e parë femër në atë rajon.

Mafer fitoi zgjedhjet me 47.76% të preferencave, e mbështetur nga partia e ish-presidentit Rafael Correa. Një nga shtyllat e platformës së saj janë të drejtat e grave në një shoqëri shumë konservatore si ajo e Ekuadorit.

Vetë ajo ka qenë protagoniste e dhunës, në 2013, kur u sulmua nga tre gra për shkak të aktivitetit të saj në Only Fans, duke detyruar modelen të kryej një ndërhyrje kirurgjikale në fytyrë. Traumën e asaj dite ajo e largoi duke u diplomuar në fakultetin Juridik dhe duke arritur një nga fitoret me të bujshme të historisë së vendit të Amerikës Latine.

A2 CNN Livestream

Ditari nga Bruna Çifligu