Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Infeksion i rëndë në rrugët e frymëmarrjes, Papa Françesku kaloi natën e parë në spital

Nga A2 CNN
30 Mars 2023, 08:02 | Bota
Infeksion i rëndë në rrugët e frymëmarrjes, Papa

Papa Françesku kaloi natën e parë në spital, nën vëzhgimin e mjekëve. Ati i shenjtë, 86-vjeçar, vuan nga një infeksion i rëndë në rrugët e frymëmarrjes. Edhe pse Vatikani tha se ishte një kontroll rutinë, më vonë shtoi se Papa u dërgua në Poliklinikën “Gemelli” me një ambulancë.

“Në ditët e shkuara, Papa Françesku ka shfaqur disa vështirësi në frymëmarrje dhe të mërkurën paradite u shtrua në poliklinikën Gemelli, për disa kontrolle mjekësore”, komunikoi në mbrëmje drejtori i zyrës së shtypit në Vatikan, Matteo Bruni.

“Analizat treguan se ai vuan nga një infeksion në rrugët e frymëmarrjes”, tha Bruni, duke përjashtuar infektimin nga Covid-19. Por për shkak të infeksionit të rëndë, Ati i Shenjtë do të duhet të qëndrojë për disa ditë në terapi e vëzhgim të vazhdueshëm mjekësor në spital.

Papa Francesku u pa shumë i qetë të mërkurën, në audiencën e mëngjesit dhe e vetmja vështirësi për të cilën u fol, ishte ajo e një dhimbjeje në gju, teksa bënte xhiron e zakonshme me makinën e tij.

https://a2news.com/2023/03/29/probleme-shendetesore-per-papa-franceskun-shtrohet-ne-nje-spital-te-romes/

A2 CNN Livestream

Dita jonë