Napoli do të përjetojë muajin më të rëndësishëm në historinë e tij. Të kaltërit mund të fitojnë Scudetto-n e tyre të tretë në prill, pas 33 vitesh pritjeje, dhe gjithashtu do të luajnë një çerekfinale historike të Champions League kundër Milanit.

Skuadra nga jugu i Italisë nuk kishte arritur deri në këtë pikë në kompeticionin europian as me Maradonën, por entuziazmi i këtyre ditëve pësoi rënie mëngjesin e sotëm. Victor Osimhen, golashënuesi më i mirë i Serisë A me 21 gola në 23 ndeshje, pësoi një dëmtim në muskulin e kofshës së majtë.

Napoli njoftoi pasdite se sulmuesi nigerian do të vlerësohet sërish gjatë javës së ardhshme. Ditën e djeshme, mediat napolitane njoftuan se lojtarit i kishte humbur maska ​​e fatit gjatë ndeshjeve të kombëtareve, në të cilën luajti 180 minuta me skuadrën e tij në ndeshjen e dyfishtë kundër Guinea-Bissau, në fazën kualifikuese për Kupën e Afrikës.

Nigeriani do të humbasë ndeshjen me Milanin të dielën, transfertën në Lecce më 7 prill dhe, përveç surprizave të mëdha, edhe ndeshjen e parë të Champions League me kuqezinjtë (12 prill) dhe ndeshjen e kampionatit me Veronën (15 prill).