Publikoi videot e para të viktimave nga Covid-19 në Wuhan, lirohet pas 3 vitesh gazetari kinez

Nga A2 CNN
2 Maj 2023, 19:04 | Bota
Publikoi videot e para të viktimave nga Covid-19 në Wuhan, lirohet pas

Fang Bin, i cili dokumentoi përhapjen e parë të Covid-19 në qytetin kinez të Wuhan-it, është liruar nga burgu. Lajmin e bën të ditur BBC, duke cituar burime. 

Fang i cili është një nga të ashtuquajturit gazetarë qytetarë që u zhdukën pasi shpërndanë video nga skenat në Wuhan, epiqendrën e pandemisë.

Pasi u zhduk në shkurt të vitit 2020, ai u dënua me tre vite burg pas një gjyqi sekret që u mbajt në Wuhan.

Sipas BBC, ai u lirua të dielën dhe gëzon shëndet të plotë. Një nga videot e tij tërhoqi vëmendjen e njerëzve në të gjithë botën pasi në të shfaqeshin tetë qese brenda së cilave ndodheshin trupa të pajetë, jashtë një spitali Covid-i. Pamjet zgjasnin pesë minuta.

Ai më pas tha se u ndalua nga autoritetet dhe më pas u lirua. Por një video tjetër u publikua me mesazhin: “Të gjithë njerëzit të revoltohen, fuqinë e qeverisë kthejeni tek njerëzit.”

Kjo ishte videoja e fundit që ai publikoi.

Edhe pse aktivistët janë të lumtur për lirimin e tij, ata janë të shqetësuar për fatin e një tjetër sinjalizueseje, Zhang Zhan. 39-vjeçari, ish-avokat, u ndalua në maj të 2022 dhe u burgos për katër vite në dhjetor të 2020.

Videot e saj sillnin pamje të rralla nga Wuhan-i në muajt e para të 2020.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni