Një avion luftarak amerikan F-16 u rrëzua gjatë stërvitjes të shtunën pranë një baze të madhe ushtarake amerikane në Korenë e Jugut.

Sipas një deklarate të ushtrisë amerikane në Korenë e Jugut, avioni u rrëzua në një zonë bujqësore pranë bazës ajrore Osan rreth orës 9:45 të mëngjesit.

Piloti u hodh në mënyrë të sigurt dhe u transportua në objektin më të afërt mjekësor dhe asnjë civil nuk u lëndua nga incidenti, thuhet në deklaratë.

Piloti po merrte pjesë në një fluturim rutinë stërvitor, duke shtuar se hetimet për incidentin janë duke u zhvilluar.

Departamenti lokal i zjarrfikësve u dërgua për të shuar zjarrin, shkroi në Twitter guvernatori i provincës Gyeonggi të Koresë së Jugut, Kim Dong-yeon.

Baza ajrore Osan është baza më e afërt e Forcave Ajrore të SHBA me Korenë e Veriut, rreth 64 kilometra nga kufiri i saj.