Supertunika dhe Manteli Imperial, veshjet historike të kurorëzimit janë gati për Mbretin Charles III

Nga A2 CNN
6 Maj 2023, 11:02 | Bota
Supertunika dhe Manteli Imperial, veshjet historike të kurorëzimit

Nga gardëroba mbretërore, ka ardhur momenti që të dalin veshjet për ditë të rëndësishme. Veshjet speciale të kurorëzimit, disa prej të cilave nuk janë veshur në shtatëdhjetë vjet që nga kurorëzimi i Mbretëreshës Elizabeth II, po përgatiten për t'u përdorur gjatë kurorëzimit të Mbretit Charles III të shtunën e 6 majit.

Dy veshje veçanërisht të rëndësishme historike, të njohura si Supertunika dhe Manteli Imperial, do të jenë në qendër të vëmendjes gjatë ceremonisë. Supertunika është një pallto e gjatë mëndafshi e zbukuruar me dantella ari. Fillimisht u dizenjua për kurorëzimin e Mbretit George V në 1911.

Këto janë dy nga pjesët më domethënëse të veshura nga sovrani në momentin e kurorëzimit. E para është Supertunika, dhe që merr formën e një veshjeje të hapur me mëngë, e cila njihet edhe si pëlhura prej ari, e qëndisur me fije ari në një dizajn që ka një traditë shumëvjeçare.

Për sa i përket historisë së saj, bazohet në veshjet kishtare. Kështu merr një kuptim simbolik nga tradita e lashtë e organizimit të kurorëzimit. Mbi të vendoset pjesa e fundit e veshjes dhe ajo është Manteli Imperial. Është dizenjuar për Mbretin George IV në 1821 dhe është veshur në kurorëzimin e Mbretit George V, Mbretit George VI dhe Mbretëreshës Elizabeth II dhe do tërivishet përsëri në ditën e kurorëzimit të Charles.

Si Supertunika, ashtu edhe Manteli Imperial janë veshur për herë të fundit në kurorëzimin e Mbretëreshës Elizabeth II më 2qershor 1953, pra nuk janë veshur për 70 vjet. Për veshjet në koleksion, padyshim që siguria është shumë e lartë për t’i ruajtur ato. Zakonisht janë të ekspozuara në Kullën e Londrës, si pjesë e veshjeve ceremoniale të kurorëzimit mbretëror.

Veshjet me vlerë sidomos historike do të jenë edhe një herë në qendër të vëmendjes, në një ndër ngjarjet më të rëndësishme në Britaninë e Madhe. Kurorëzimi do të bëhet në Westminster Abbey të Londrës në datën 6 maj.

A2 CNN Livestream

Ditari nga Denisa Pasholli