Policia e Lezhës ka njoftuar se ka identifikuar autorët e plagosjes së një të riu, me banim në fshatin Rrilë të Lezhës.

Shtetasi me inicialet A.L. u paraqit mbrëmjen e së hënës në urgjencën e spitalit të Lezhës me një plagë në këmbë, të shkaktuar nga armë zjarri.

Blutë e Lezhës kanë identifikuar dhe shpallur në kërkim shtetasit L. F., 29 vjeç, Xh. F., 26 vjeç dhe A. Sh., 27 vjeç, të tre banues në Lezhë.

“Këta shtetas dyshohet se në bashkëpunim me njëri-tjetrin, pas një konflikti të çastit, në ambientet e jashtme të një bilardoje, në Lezhë, kanë goditur me mjete të forta shtetasin A. L., si dhe e kanë plagosur atë me armë zjarri, në këmbë”, lexohet në njoftimin e policisë.