Putin akuzon Perëndimin se i ka shpallur luftë dhe falënderon ushtarët e tij

Nga A2 CNN
9 Maj 2023, 09:49 | Bota

Presidenti rus, Vladimir Putin, e nisi fjalimin e tij në “Ditën e Fitores” duke uruar ushtrinë ruse në ditën e shënuar.

Lideri rus theksoi se vendit të tij i është shpallur një luftë e vërtetë, teksa shtoi se Rusia është thjesht duke mbrojtur sovranitetin e saj.

“Rusia kërkon një të ardhme të paqtë. Një luftë e vërtetë i është shpallur mëmëdheut tonë”, tha Putin duke iu drejtuar turmave që e ndjekin nga Sheshi i Kuq.

Lideri rus akuzoi Perëndimin se po kërkon rënien e Moskës, ndërsa shtoi se është krenar për ushtarët që po marrin pjesë në atë që Rusia e quan “operacioni special ushtarak”.

“Të gjithë duhet të bashkohemi për të mbështetur heronjtë tanë.”

Ai shtoi gjithashtu se është shumë e rëndësishme që liderët e ish-bllokut të BRSS të jenë prezent me të në Moskë sot. “Në emër të bijve tanë, baballarëve dhe gjyshërve e të afërmve të tjera, të mbajmë një minutë heshtje”, shtoi ai.

https://a2news.com/2023/05/09/realiteti-paralel-i-putinit-ne-foto-parada-ruse-per-diten-e-fitores/

A2 CNN Livestream

Ditari nga Erion Dushi