Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Tirana rikthehet në finale e kupës pas 3 vitesh, përballë ka Egnatian

Nga A2 CNN
10 Maj 2023, 19:12 | Futboll

Tirana do të jetë finalistja e dytë e Kupës së Shqipërisë për sezonin 2022-2023 pas kualifikimit të mëparshëm të Egnatias, e cila shkon për herë të parë në një finale.

Bardheblutë nuk shkuan më shumë se një barazim pa gola përballë Teutës në ndeshjen e kthimit, duke lënë në fuqi fitoren 3-0 të takimit të parë.

Ndeshja nuk shënoi raste të shumta me kryeqytetasit që sytë i kanë tashmë nga java e ardhshme e cila pritet të përcaktojë dhe titullin kampion pasi përballë kanë rivalin e përjetshëm Partizanin, i cili ndodhet vetëm dy pikë pas tyre në renditje.

Kujtojmë se Tirana rikthehet në finalen e Kupës së Shqipërisë pas tre vitesh teksa për herë të fundit luanin ndaj Kukësit dhe e humbën me shifrat 2-1.

A2 CNN Livestream

Ditari nga Bruna Çifligu