Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Fobia e panjohur që prek 6 në 10 gra

Nga A2 CNN
25 Maj 2023, 17:05 | Lifestyle
Fobia e panjohur që prek 6 në 10 gra

Ndoshta nuk keni dëgjuar kurrë për tokofobinë, por ka shumë të ngjarë që të keni parë raste të tilla. Tokofobia, siç përcaktohet nga Klinika Mayo, është frika ekstreme e lindjes dhe shtatzënisë dhe sipas një studimi të fundit, prek 6 nga 10 gra amerikane.

Të njëjtat gjetje kërkimore, të publikuara në Evolution, Medicine, and Public Health, zbulojnë se stresi i shkaktuar te gratë është aq i fortë sa mund të shkaktojë sulme ankthi, mungesë dëshire për marrëdhënie seksuale dhe madje edhe shkëputje emocionale nga fëmija i porsalindur.

Siç shpjegojnë studiuesit amerikanë, tokofobia ndahet në dy fenomene të veçanta psikologjike: tokofobia primare shfaqet te gratë që nuk kanë përjetuar kurrë një shtatzëni ose lindje, ndërsa tokofobia dytësore zhvillohet pas një ngjarjeje traumatike gjatë një shtatzënie ose lindjeje të vështirë ose një abort.

Ekspertët theksojnë se tokofobia shfaqet te shumë gra, për shkak të bashkëjetesës së fobive të tjera, si frika nga dhimbja (algofobia), frika nga mjekët (iatrofobia) dhe frika nga fëmijët.

Studiuesit arrijnë në përfundimin se nivelet e larta të tokofobisë mund të shpjegojnë, në një farë mase, uljen e nivelit të lindjeve dhe hezitimin e dukshëm të grave për të krijuar familje.

A2 CNN Livestream

Debat - nga Alba Alishani