Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Kurti thirrje deputetëve: Mbështesni Policinë e Kosovës, është në vijën e frontit me milicinë fashiste

Nga A2 CNN
2 Qershor 2023, 11:27 | Kosova
Kurti thirrje deputetëve: Mbështesni Policinë e Kosovës,

Kryeministri Kurti deklaroi në Kuvend se protestat e fundit në komunat e veriut kanë shërbyer vetëm për një gjë që ka të bëjë me identifikimin e personave që i organizojnë ato, një pjesë e të cilëve me të kaluar kriminale.

Kreu i qeverisë i përmendi emër më emër serbët e dhunshëm dhe që financojnë protestat dhe kërkoi nga deputetët e kuvendit që të mbështesin Policinë e Kosovës, e cila sipas tij është në një përballje me një milici fashiste.

“Është në dorën tonë beteja e radhës për sundim të ligjit dhe Kushtetutshmëri. Policia ka nevojë për mbështetje, jepjani këtë mbështetje. Mbështesni Policinë që është në vijë fronti me milicinë fashiste. Nuk jemi kundër serbëve, i kemi ftuar në institucione. Gabimin e Listës Serbe duhet ta paguajë ajo dhe jo ne”, u shpreh Albin Kurti.

A2 CNN Livestream

Debat - nga Alba Alishani