Përballje titanësh, emocione dhe spektakël. Kjo ishte panorama e ndeshjes, Bayern-Manchester United të cilën kampionët e Gjermanisë e fituan 4-3 në një shumë të luftuar nga fillimi deri në fund.
Sane zhbllokoi rezultatin në minutën e 28 dhe pas tij, vetëm pak më vonë Gnabri dyfishoi shifrat. Në fraksionin e dytë, United rriti presionin dhe ngushtoi diferencat me Hojlund. Harry Kane la dhe gjurmën e tij dhe shënoi golin e tretë për Bayern.
“Djajtë e Kuq” nuk u dorëzuan dhe Casemiro tundi rrjetën por Tel me golin e tij në minutën e 92 vulosi fitoren gjermane. Në fund, goli i dytë i Casermiros shërbeu vetëm për statistika pasi supersfida e parë mes këtyre dy skuadrave përfundoi me rezultatin 4-3.
Interi nuk shkoi më shumë se një barazim 1-1 ndaj Real Sociedad. Zikaltrit u ndëshkuan që në fillim. Pas një gabimi fatal, Mendez dërgoi topin në rrjetë. Edhe pas kësaj, spanjollët mbeten në sulm për të shënuar dhe më shumë, por pavarësisht rasteve pjesa e parë përfundoi me fitoren minimale të Sociedad.
Në fraksionin e dytë, zikaltrit erdhën disi më të karikuar. Golin e barazimit e gjetën vetëm në fund me Lautaro Martinez. Në minutën e 87, argjentinasi kaloi bukur dhe mposhti portierin spanjoll. Kaq mjaftoi për ndeshjen e parë me dy ekipet që ndanë nga një pikë me njëra-tjetrën.
Napoli regjistroi një sukses të rëndësishëm teksa mposhti 2-1 Bragën. Italianët ishin dukshëm më mirë dhe kjo u pa që në fillim. Di Lorenzo zhbllokoi rezultatin në fundin e pjesës së parë ndërsa vendasit barazuan shifrat 2 minuta para fundit.
Baraspesha në fushë zgjati shumë pak, pasi një autogol i Bragës vetëm dy minuta më vonë riktheu avantazhin e kampionëve të Italisë.
Më herët, Real Madrid mori një fitore mes vuajtjesh me Unionin e Berlinit. Madrilenët edhe pse vinin si favoritë në këtë sfidë e kishin të vështirë të shënonin. Pas shumë tentativash dhe një dominimi total, heroi i spanjollëve ishte Juud Bellingham që në minutën e 94 realizoi golin e fitores dhe i siguroi 3 pikët e para skuadrës.
Në ndeshjet e tjera Arsenal mposhti 4-0 PSV Eindhoven ndërsa Sevilla barazoi 1-1 me francezët e Lens. (A2 Televizion)
A2 CNN Livestream
MUND TE LEXONI GJITHASHTU
