Përfundimi i afatit të gjendjes së fatkeqësisë natyrore i ka hapur rrugën rinisjes së tenderave nga institucionet.
Prej 24 marsit, prokurimet publike të institucioneve kanë qenë të kufizuara në kryerjen e procedurave të prokurimit vetëm për mbulimin e nevojave të dala nga situata e pandemisë së koronavirusit, për shpalljet e reja që lidheshin me tërmetin e 26 nëntorit, si dhe ato që kishin të bënin me shërbime të rëndësishme me komunitetin.
Gjatë muajve të bllokimit, tenderat që u zhvilluan kishin të bënin me prokurimet për medikamente, për ushqime për familjet në nevojë për të përballuar situatën e Covid-19, por nuk bënë përjashtim as ujësjellës apo projekte infrastrukturore, si rrugë. Por pas njoftimit të ri të Agjencisë së Prokurimit Publik, institucionet nuk do të kenë më asnjë kufizim.