Nga Shkodra, një ditë para protestës së radhës para Parlamentit, Lulzim Basha rikonfirmoi se nuk ka kthim pas. Duke bërë krahasim me 2 prillin 1991 ku humben jetën 4 të rinj në demonstratën kundër vjedhjes së zgjedhjeve, të parat pluraliste, por që u fituan nga sërish nga Partia e Punës, Basha theksoi se lufta nuk ndalet, pavarësisht sakrificave. Prej 2 ditësh kreu i PD-së ndodhet në Shkodër, qarkun ku kanë ndodhur një serë ekzekutimesh mafioze kohët e fundit, prej nga ku ka lëshuar akuza ndaj deputetëve socialistë si të përfshirë në vjedhje votash. (A2 Televizion)
