Euro 2024, piktura e Guri Madhit do të shfaqet në muzeun e futbollit në Dortmund

Nga A2 CNN
28 Maj 2024, 10:08 | Kulturë

Euro 2024, piktura e Guri Madhit do të shfaqet në muzeun e futbollit

Me rastin e Europianit të Futbollit që do të startojë muajin ardhshëm në Gjermani, organizatorët e këtij eventi kanë parashikuar dhe shumë ngjarje të tjera kulturore dhe sportive që do të shoqërojnë kompeticionin e lojës më të ndjekur në botë.

Një prej tyre është dhe ekspozita "In motion - Art & Football" që do të vendoset në Muzeun e Futbollit Gjerman, në Dortmund.

Pjesë e kësaj ekspozite do të jetë dhe tabloja e piktorit Guri Madhi, "Kur nuk shkojnë në stadium", e realizuar në vitin 1986.

Ekspozita gërsheton botën e futbollit dhe të artit dhe është e vendosur në një sipërfaqe prej rreth 1000 metrash katrorë.

Lajmi u dha nga kryeministri Edi Rama përmes një postimi në rrjetet sociale.

A2 CNN Livestream

Ditari nga Denisa Pasholli