Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

"10 milionë vaksinime për 3 muaj", Merkel: Nuk ka më shumë liri për të vaksinuarit

Nga A2 CNN
4 Shkurt 2021, 16:52 | Bota
"10 milionë vaksinime për 3 muaj", Merkel: Nuk ka më

Qeveria gjermane po përballet me kritika për mënyrën sesi po përballet me pandeminë koronavirus, por mesa duket Angela Merkel i ka të qarta prioritetet.

Gjatë një dialogu online me familje gjermane, të përzgjedhura rastësisht e të transmetuar në televizion, kancelarja Merkel iu ktheu përgjigje shqetësimeve të tyre, kryesisht lidhur me pagesën e papunësisë dhe goditjes së biznesit përgjatë 1 viti pandemi.

"Ajo që unë mund të premtoj, është se gjëja e parë që ne do të hapim përsëri do të jenë qendrat e kujdesit ditor dhe shkollat ​​fillore, mbi të gjitha të tjerat”, u shpreh Merkel.

Aktualisht Këshilli Gjerman i Etikës po mendon lehtësimin e kufizimeve për qytetarët, së paku ata që janë vaksinuar kundër koronavirusit, por mes ekspertëve ekziston ende frika se edhe të vaksinuarit mund të përbëjnë kërcënim për përhapjen e Covidit. 

"Kur ky rrezik të zvogëlohet më tej me sukses, atëherë edhe masat për të luftuar pandeminë e që kanë kufizuar qytetarët, mund të tërhiqen dalëngadalë”.

Kancelarja Merkel theksoi se objektivi i qeverisë gjermane është vaksinimi i 10 milionë qytetarëve brenda 3-mujorit të parë të vitit, por kritikët thonë se ky proces po ecën me hapa të ngadaltë, krahasuar me vendet e tjera, mes tyre Britania e Madhe, Izraeli apo SHBA.

Gjithsesi Merkel shprehet optimiste se çdo i rritur në Gjermani, deri në fund të verës, do të jetë i imunizuar ndaj Covid-19. 

A2 CNN Livestream

Ditari nga Bruna Çifligu