Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

13 familjarë të luftëtarëve të ISIS iu dorëzohen autoriteteve shqiptare

Nga A2 CNN
27 Maj 2022, 14:44 | Aktualitet

13 shtetas shqiptarë, 4 gra dhe 9 fëmijë, u janë dorëzuar autoriteteve shqiptare. Lajmin e njoftoi fillimisht në rrjetet sociale drejtuesi i Departamentit të Marrëdhënieve me Jashtë të Administratës Autonome të Sirisë Veriore dhe Lindore (AAENS) Dr. Abdulkarim Omar.

Sipas tij, dorëzimi i 13 shtetasve shqiptarë, fëmijë dhe bashkëshorte të luftëtarëve të ISIS, është bërë te një delegacion i shtetit shqiptar, pas një marrëveshjeje të nënshkruar mes AAENS dhe Republikës së Shqipërisë.

Drejtori i Antiterrorit Alban Dautaj dhe oficeri Indrit Doda - i cili deri tani ka zhvilluar 4 operacione riatdhesimi - ndodheshin prej 9 ditësh në Siri, deri në përfundim të misionit.

“Falënderojmë edhe një herë autoritetet për mundësinë që na dhanë që qeveria të riatdhesojë 13 shtetas shqiptarë të cilat gjendeshin në kampet e administruara nga autoritetet vendase. Shpreh falënderimin për autoritetet në luftën ndaj terrorizmit. U jemi mirënjohës për çka na keni ofruar për të kryer me sukses riatdhesimin e këtyre shtetasve dhe shkëputjen e tyre nga një ambient terrorist dhe fillimin e një jete të re”, tha Dautaj.

Sipas informacioneve të siguruara nga gazetari i A2 CNN, Julian Kasapi, mes personave të liruar nga kampi famëkeq Roj janë pjesëtarë të familjes Stafasani, të cilët pritet të riatdhesohen së shpejti.

https://a2news.com/2021/08/02/shqiptaret-e-mbetur-ne-al-hawl-myrvete-dibra-e-pashprese-per-rikthimin-vajza-e-saj-pyet-te-afermit/

Ndërkohë, mësohet gjithashtu se nga kampi Al Hawl, ka mundur të dalë edhe Oljada Gicaj, vajza e Myrvete Dibrës, gruaja e një prej shqiptarëve të cilët ishin bërë pjesë të ISIS vite më parë. Vajza e mitur, sot 16-vjeçare, ishte vetëm 8 vjeç kur u dërgua në Siri, për t’u bërë pjesë e “Kalifatit”.

Muaj më parë, A2 CNN mundi të sigurojë mesazhet që ajo i dërgonte tezes së saj në Shqipëri. “Akoma nuk jemi nisur, por është e sigurt që Shqipëria do të na marrë? Kemi frikë të nisemi se nuk e dimë nëse do të vijmë andej. Teze, inshallah do ta lënë mamin që të flasë me ty…”, shkruante në gusht 2021 e mitura.

Në kampin Al Hawl vijojnë të qëndrojnë 17 persona shumica fëmijë. Mes të mbeturve në kampin e ferrit është Eva Dumani, Myrvete Dibra me 2 fëmijë, Hajrije Taushani me 2 fëmijë, Elona Shuli së bashku me 2 motrat, vëllain dhe djalin e saj të mitur, si dhe Emanuela Daci me 3 fëmijë.

https://a2news.com/2020/10/27/riatdhesimi-i-shqiptareve-nga-siria-nena-ritakohet-me-te-birin-pas-6-vitesh/

A2 CNN Livestream

Dita jonë