Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

28 dhe 29 Nëntori te “Toptani”

Nga A2 CNN
30 Nëntor 2021, 21:03 | Sociale
28 dhe 29 Nëntori te “Toptani”

Toptani Shopping Center di si të festojë, aq më tepër kur bëhet fjalë për të përkujtuar ngjarjet më të rëndësishme kombëtare.

Qindra fëmijë e prindër, për dy ditë me radhë, kremtuan 28-29 Nëntorin me aktivitete e lojëra të shoqëruara nga ulje çmimesh në hapësirën gjigante në zemër të Tiranës.

Vogëlushët nuk e fshehin gëzimin, ndërsa thonë që mezi presin aktivitete të tilla. Në këndin “Art and Crafts”, të vegjlit u pikturuan me simbolin e flamurit kombëtar si dhe morën dhurata tollombace.

Sigurisht që për festat kombëtare nuk mund të mungonte një recitim.
Kërcimet me motive popullore krijuan një atmosferë edhe më festive. Korografia e të vegjëlve “vodhi” vëmendjen e të pranishmëve, të cilët nuk ngurruan t’u bashkoheshin.

Një “pazëll” për të formuar flamurin kombëtar, vuri në provë fëmijët. Sigurisht që vogëlushët nuk zhgënjyen.

Simbolika e firmosjes së “Aktit të pavarësisë” iu dha mundësinë vizitorëve të Toptani Shopping Center të mund të fitonin një dhuratë.

Për të përkujtuar vlerat dhe kontributin, për dy ditë me radhë, në fasadën e qendrës mbi 60 mijë metra katrorë, të përbërë nga 8 kate shërbimi u projektuan portretet e disa prej figurave më të shquara kombëtare.

Bashkë me argëtimin e fëmijëve, prindërit shfrytëzuan rastin për të blerë veshjet e stinës, apo ushqime në supermarkete dhe sigurisht për t’u çlodhur në baret dhe restorantet e shumta, teksa shijonin spektaklin e vogëlushëve.

A2 CNN Livestream

Dita jonë