Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

3 ditë festa në qendrën "Toptani", lojëra, dhurata dhe muzikë në ditët e fundit të vitit

Nga A2 CNN
26 Dhjetor 2021, 16:06 | Lifestyle
3 ditë festa në qendrën "Toptani", lojëra, dhurata

Fundviti përherë sjell një atmosferë të gëzueshme dhe çdokush përpiqet t’i kalojë sa më këndshëm festat, por argëtimi dhe zbavitja tashmë ka një stacion të përhershëm: Qendrën tregtare “Toptani Shopping Center”.

Për 3 ditë me radhë stafi menaxhues kishte menduar ta shndërronte këtë hapësirë në një skenë të vërtetë aktivitetesh.

Mbrëmjen e 24 dhjetorit, ritmet e muzikës e sidomos ajo festive, ndiheshin ngado. Në natën e Krishtlindjes, pra në 25 dhjetor, radhën për të festuar e kishin fëmijët, të cilët kaluan një mbrëmje mbresëlënëse me aktivitetet që organizatorët kishin përgatitur për ta, dhe ku urimet e vogëlushëve janë të ngrohta.

Atmosfera festive kulmoi mesditën e 26 dhjetorit, kur fëmijët u zhytën në botën e lojërave. Më pas çasti i shumëpritur, me dhuratat në duar vijnë edhe urimet e fëmijëve.

Mes këtij gëzimi u ndodhën përgjatë 3 ditëve dhe mbrëmjeve të pranishmit në hapësirën prej 60 mijë metrash katror të  “Toptani Shoping Center”, fare pranë qendrës së Tiranës, ku përpos blerjeve apo shplodhjes në baret dhe restorantet e qendrës tregtare, ata shijuan edhe lumturinë e vogëlushëve.

A2 CNN Livestream

Ditari nga Denisa Pasholli