Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Akuza e fortë e Berishës: Qeveria shkatërroi sistemet e policisë, zhduku provat e lidhjeve me krimin

Nga A2 CNN
23 Shtator 2022, 12:17 | Politikë
Akuza e fortë e Berishës: Qeveria shkatërroi sistemet e

“Në një akt të paprecedent, të revanshit të krimit në këtë vend dhe këtë shtet, qeveria ka shkatërruar të gjitha sistemet e policisë. TIMS-in, databazën e policisë shkencore, e cila përmban çdo gjë rreth kriminelëve dhe grupeve kriminale, ka shkatërruar MEMEX-in dhe faktikisht kemi të bëjmë me një asgjësim total të punës afro 30-vjeçare të Policisë së Shtetit shqiptar”.

Kështu u shpreh Sali Berisha në një konferencë për shtyp, këtë të premte, me gazetarët. Ai theksoi se shkatërrimi i këtyre sistemeve nuk ka asnjë lidhje me sulmet e e-Albania.

“Shkatërrimi i këtyre sistemeve është bërë me qëllimin e vetëm për të zhdukur provat që ekzistojnë mbi lidhjet e tmerrshme të krimit, për Edi Ramën, Taulant Ballën, Damian Gjiknurin, Erion Veliajn dhe qeveritarë të tjerë. Duke asgjësuar të dhënat e këtyre sistemeve, janë asgjësuar provat materiale të pakontestueshme të këtyre lidhjeve.

Edhe në rast se prokuroria, për aksidentin ka në disponim në dosje të dhëna të tilla, ato validizohen vetëm duke u gjetur në arkivën e tyre.

Dënoj këtë akt, ndër më të papërgjegjshmit dhe më të rrezikshmit. Sot gjurmët e gishtave të çdo shqiptari janë në çdo vend që dëshiron t’i ketë.

Sot, asgjë, asnjë urdhër nuk mund të zbatohet më, bazuar në dokumentim shkencor.

E sigurt është se ky është një bashkëpunim qeveritaro-policesk, ky është një operacion i paprecedent në ndonjë vend, përveçse në shtetin e mafias, në Shqipëri”, u shpreh Berisha.

A2 CNN Livestream

Dita jonë