Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Alfred Lela: Marrëdhëniet e Ramës me publikun si ato të Clinton e Blair, nxënës i kësaj filozofie

Nga A2 CNN
16 Nëntor 2021, 20:53 | Politikë
Alfred Lela: Marrëdhëniet e Ramës me publikun si ato të

“Qeveria Rama ushtron një teknikë të qeverisjes ose propagandës të përdorur nga Clinton-i në Amerikë apo Tony Blair në Britani, sipas të cilave, një qeveri është çdo dinë në zgjedhje. Rama është nxënës i kësaj filozofie”.

Kështu u shpreh në Debat me Alba Alishanin në A2 CNN analisti Alfred Lela teksa komentoi marrëdhëniet e kryeministrit Rama me qytetarët.

“Nuk është se kemi ndonjë historik të pasur të reagimit qytetar. Opinioni publik në Shqipëri, për mijëra arsye, qoftë edhe për këtë trushpëlarjen e herë pas hershme të qeveria të ndryshme, ka qenë i ndrojtur dhe i mpakur. Kemi edhe ne rastet tona që shkëlqejnë në mungesë, është protesta e studentëve dhe e armëve kimike, si dhe protesta e rrugës Durrës-Kukës. Pavarësisht kësaj, droja e protestave dhe e pakënaqësive popullore te çdo qeveri, sado e papërgjegjshme, kjo droje ekziston. Pse bëhet i gjithë operacioni i propagandës? Bëhet për të mbajtur ose nën kontroll ose të tulatur, ose të kënaqur opinionin publik. Sado e vogël të jetë gatishmëria e opinionit publik për të ngritur krye, sërish në receptorët e qeverisë ekziston dëshira për ta mbajtur të tulatur apo nën kontroll publikun”, u shpreh më tej Lela.

A2 CNN Livestream

Dita jonë