Ish-zv.ministri i Financave, Elton Haxhi, tha në A2 Business, se emigrantët duhet të përjashtohen nga amnistia fiskalë që qeveria po planifikon të realizojë. “Në gjykimin tim emigrantët duhet të përjashtohen. Nuk di asnjë vend tjetër ta ketë bërë këtë. Jam thuajse i sigurt që asnjë vend tjetër nuk do ta pranojë këtë, përfshi edhe Bashkimin Europian. Edhe sikur ne me kokëfortësi i qëndrojmë këtij versioni, nëse këto të ardhura do të futen në një bankë në Shqipëri, duke qenë se këto emigrantë janë rezident në një shtet tjetër, ne duhet të deklarojmë llogaritë bankare në vendin e origjinës dhe do të hetohen atje për evazion fiskal”.