Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

Ana e Malit në Shkodër këtë dimër mbeti nën ujë, bujqit: Situata katastrofike

Nga A2 CNN
24 Janar 2023, 14:03 | Aktualitet
Ana e Malit në Shkodër këtë dimër mbeti nën

Njësia administrative Ana e Malit në zonën e nënshkodrës, brenda pak muajve përmbytet për herë të dytë thuajse totalisht nga ujërat e lumit Buna.

Sipas zyrtarëve lokalë të kësaj njësie mbi 80 për qind e tokave bujqësore janë nën ujë. Për bujqit e zonës kjo situatë që kohët e fundit është përsëritur disa herë, ndërsa ndihma nga shteti mungon, do të thotë falimentim dhe largim.

Për kryetarin e njësisë administrative Ana e Malit, përmbytjet që ndodhin në këtë zonë, janë pasojë e shkarkimeve të papërgjegjshme nga hidrocentralet.

Sipas tij, këtyre banorëve nuk u ka mbetur gjë tjetër vetëm të ngrenë vetë zërin e tyre për të, pasi institucionet shtetërore janë inekzistente përballë kësaj situate.

Në këtë njësi janë mbi 1 mijë hektarë tokë bujqësore e përmbytur, ndërsa problematika ka edhe me mungesën e ushqimit për blegtorinë.

Mbi 1 mijë hektarë tokë bujqësore në njësinë administrative Ana e Malit është nën ujë si pasojë e përmbytjeve më të fundit në zonën e nënshkrodrës.

Kjo sipërfaqe përbën mbi 80 për qind te gjithë tokës bujqësore që ka kjo njësi. Bujqit shprehen se situata është katastrofike dhe po i detyron te largohen.

A2 CNN Livestream

Debat - nga Alba Alishani