Brenda tetorit, nisur nga shifrat e gjendjes civile për lëvizjen e popullisë, komisoni rregullator do të përcaktojë sesa deputete do të ketë secili qark.
Më herët ishte folur për një ndryshim të hartës së shpërndarjes së mandatateve, duke i hequr nga një, Dibrës e Gjirokastrës, për t’ia kaluar Tiranës, por vendimmarrja, e para kryesore do të zyrtarizohet në ditët në vijim nga struktura e re e Kqz-së.
Në garë me lista që mundësojnë shprehjen e preferencës për kandidatin, por dhe me një fletë ndryshe votimi, që pritet të numërohet 2 herë, Ledio Braho nga Komisioni i Ankesave dhe Sanksioneve parashikon fluks të lartë ankimimesh.
Por sa e lehtë është të koordinohet vendimmarrja në një KQZ me 3 shkallë?
“Në përjashtim të dy rasteve të veçanta që shpërndahen mandatet dhe që shpallet rezultati, që merret me një votim 3 me 2, çdo votim tjetër, çdo akt miratohet me një votim ku votojnë minimalisht 4 anëtarë”, shprehet Dritan Caka nga Komisioni Rregullator.
Vonesat në kodin zgjehdor që mund të vijnë prej kthimit mbrapsht të Presidentit nuk përbëjnë prolem për anëtaret e kqz-së. Ndërkohë, sfida e radhës me kohën pritet të jetë ajo për teknologjinë.