Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Automjetet elektrike, prodhuesit dyfishuan shitjet edhe në pandemi

Nga A2 CNN
28 Janar 2022, 14:41 | Teknologji
Automjetet elektrike, prodhuesit dyfishuan shitjet edhe në pandemi

Shitjet e automjeteve elektrike arritën në 4,5 milionë njësi në vitin 2021, kundrejt 2,1 milionë në vitin 2020. Pandemia e koronavirusit ndihmoi makinat elektrike të trefishojnë prezencën në treg, duke zënë 6,3% të shitjeve botërore.

Sipas analistëve të industrisë, veçanërisht në Europë dhe Kinë, mungesa e pjesëve bëri që prioritet më i lartë t’i jepej automjeteve elektrike, për shkak se kërkohen më shumë si nga konsumatorët, ashtu nga prodhuesit që duhet të përmbushin kriteret e ndotjes.

Qeveritë në të gjithë botën po shtrëngojnë masat ndaj industrisë së automjeteve për të reduktuar emetimet e karbonit dhe për të prodhuar gjithmonë e më shumë mjete me bateri, duke ofruar në disa vende edhe lehtësi fiskale apo pika karikimi, si një mjet nxitës.

Madje Bashkimi Europian po konsideron ndalimin e shitjeve të makinave me karburant, duke nisur nga viti 2035. Nga ky tranzicion drejt makinave të gjelbra përfituesi kryesor mbetet kompania amerikane Tesla, me 540 mijë njësi të shitura vjet. Por kjo nuk do të thotë se nuk ka konkurrencë nga marka si Volkswagen, apo prodhuesit kinezë. Këtë vit, shitjet e automjeteve elektrike pritet të rriten me 75%, në 8 milionë makina.

A2 CNN Livestream

Debat - nga Alba Alishani