Kryetari i Bashkisë së Vaut të Dejës, Mark Babani ishte këtë të mërkurë në tiranë. Ai dorëzoi gjurmët e gishtërinjve pranë policisë shkencore dhe po përgatitet për mbrojtjen ndaj akuzave të ngritura ndaj tij nga Partia Demokratike.
Eridian Salianji, juristi i partisë socialiste në Komisionin Qendror të Zgjedhjeve do të jetë avokati në këtë betejë. Por për strategjinë e mbrojtëse, Babani është konsultuara paraditen e kësaj të mërkure dhe me Besa Nikëhasanin, prokuroren e shkarkuar nga dy shkallët e vetting-ut dhe që çështjen e saj e ka dërguar në Strasburg.
Takimi u krye pak metra larg kryesisë së Kuvendit, ku deputetët zhvillonin mbledhjet nëpër komisione, ndërsa për A2, vetë Babani u shpreh sedo të ndjekë rrugën ligjore, duke nisur nga dhënia e gjurmëve. Shenjat e gishtërinjve do të dërgohen për verifikim në Itali, për të parë nëse Kryebashkiaku i Vaut të Dejës ka apo jo identitete të tjera.
PD e akuzon atë se është dënuar dhe dëbuar në vitin 1994 në Siçili për vjedhje makinash, pasi u arrestua me ermin e tjetërsuar Marq Babaj. Burime të A2 thonë se pas këtyre denoncimeve të opozitës , Kryeministri Rama ka kontaktuar Babanin duke i kërkuar dorëheqjen e menjëhershme nëse akuzat ishin të vërteta. Por Kryebashkiaku e ka garantuar për pastërtinë e tij. A2 mësoi gjithashtu se të premten Rama do të thërrasë një tjetër mbledhje për rajonin e veriut, ketë herë në Shkodër.