Deputeti i PD-së Besnik Bare është i qartë për qëndrimin e partisë së tij në lidhje me çështjen e Agim Kajmakut.
“Është bërë e qartë që kjo është përgjegjësi personale, secili mban përgjegjësi për atë që deklaron. Është hera e parë që ekziston një filtrim, është një proces jashtëzakonisht i drejtë, dhe zhurma mediatike mbi të është politike”.
Për Baren, edhe pse “historia 30 vjeçare e dy partive tregon që kanë sjellë edhe elemente jo të pastër, por për sa kohë që përgjegjësia është individuale, le t’ia lemë organeve përkatëse që të thonë fjalën e duhur”.
Çështja e dekriminalizimit lidhet me reformën e procesit zgjedhor në vend. Sipas Bares, “institucionet ndërkombëtare për herë të parë nuk kanë patur mospërputhje në lidhje me ligjshmërinë e tij në 30 Qershor”, dhe nuk lidh kushtet e shtuara të Bundestagut si një deligjitimim në këtë pikë. “ Vërejtje dhe detyra ka patur vazhdimisht, kemi patur 12 në 2009, sot janë 9. Por detyrat e tyre ndaj politikës janë të shëndetshme, aspak tendencioze, janë sfida për çdo forcë politike”.
Për deputetin socialist, Partia Demokratike përtej retorikes, nuk ka bërë hapa konkrete për t’u ulur në tavolinë për reformën, madje sipas tij PD dhe lideri i saj nuk ka interes të zgjidhë ngërçin dhe “nuk do zgjedhje të parakohshme se do të humbasë”.
Gjithsesi, në qoftë se propozimet e opozitës konfirmohen nga faktori ndërkombëtar, mazhoranca është gati t’ i diskutojë.