Basha nga Kalimashi: Rama i futi shkopinj nën rrota Kosovës

Kreu demokrat Lulzim Basha është ndalur në tunelin e Kalimashit, i cili është përuruar gjatë qeverisjes së demokratëve, gjatë udhëtimit të tij elektoral në Kukës, ku është pritur nga qytetarë të shumtë. Ai akuzoi kryeministrin Rama se me vënien e traut, i futi shkopinj nën rrota Kosovës dhe i çoi marrëdhëniet ekonomike dhe diplomatike mes dy shteteve në nivelet më të ulëta.

“Rama do të largohet me votën më masive, nuk bëri asgjë por i futi shkopinj në rrota Kosovë shkatërroi ekonominë tonë uli në nivelet më të ulëta marrëdhëniet diplomatike dhe ekonomike mes dy vendeve, vuri traun”.