Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Beqaj 9 orë në SPAK, tregon për çfarë u pyet

Nga A2 CNN
18 Korrik 2022, 19:13 | Aktualitet
Beqaj 9 orë në SPAK, tregon për çfarë u pyet

Ish-ministri i Shëndetësisë ka dalë nga zyrat e SPAK pas 9 orëve, aty ku ishte thirrur për koncesionin e sterilizimit.

Pas dëshmisë, ai foli shkurt për gazetarët duke treguar për çfarë ishte thirrur. “Jam thirrur në cilësinë e personit që kam dijeni për çështjen e koncesionit të sterilizimit. Kam dhënë shpjegimet e mia para dy prokurorëve”, u shpreh Beqaj.

Beqja është i fundit që është thirrur në SPAK për të dëshmuar për koncesionin e sterilizimit. Më herët, është marrë në pyetje ish-zëvendësministri, Klodian Rrjepaj.

Hetimi për këtë çështje filloi nga Prokuroria, pas denoncimeve për shkelje ligjore në këto tendera.

Dosja është regjistruar në SPAK, më 18 shkurt të vitit 2020 nga Partia Demokratike, gati një javë pas depozitimit të kallëzimin penal. Selia blu ka kallëzuar 10 persona, mes të cilëve ish-ministrin e Shëndetësisë, Ilir Beqja, ministren aktuale, Ogerta Manastirliu, drejtues dhe ish-drejtues të Fondit të Sigurimit të Detyrueshëm të Kujdesit Shëndetësor dhe aksioneren e kompanisë përfituese të Check-Up, Vilma Nushin.

A2 CNN Livestream

Dita jonë